علی گڑھ مسلم یونیورسٹی کو دی گئی ‘اقلیتی ادارے’ کا درجہ برقرار رہے گا:سپریم کورٹ

علی گڑھ مسلم یونیورسٹی کو دی گئی ‘اقلیتی ادارے’ کا درجہ برقرار رہے گا۔ یہ فیصلہ سپریم کورٹ میں سی جے آئی ڈی وائی چندرچوڑ کی سربراہی میں 7 ججوں کی بنچ نے دیا ہے۔ عدالت نے آئین کے آرٹیکل 30 کا حوالہ دیتے ہوئے کہا کہ مذہبی طبقے کو تعلیمی ادارے قائم کرنے اور چلانے کا حق حاصل ہے۔
2005 میں الہ آباد ہائی کورٹ نے اے ایم یو کو اقلیتی ادارہ تسلیم کرنے سے انکار کر دیا تھا۔ اے ایم یو نے اس کے خلاف سپریم کورٹ میں درخواست دائر کی تھی۔ 2006 میں اس وقت کی یو پی اے حکومت اس فیصلے کے خلاف سپریم کورٹ گئی تھی۔ تاہم، 2016 میں، ریاستی حکومت نے عرضی واپس لینے کا فیصلہ کیا تھا۔